ԲՐԻԿՍ երկրները (Բրազիլիա, Ռուսաստան, Հնդկաստան, Չինաստան, ՀԱՀ) վերջին պահին որոշել են աջակցել Համաշխարհային բանկի նախագահի պաշտոնում ամերիկյան թեկնածուի առաջադրումը: Խոսքը Ջիմ Էն Կիմի մասին է: Հիշեցնենք, որ ՀԲ նախագահի ընտրությունները տեղի կունենան ապրիլի 16-ին:
ԲՐԻԿՍ-ի նման որոշումը բավական անսպասելի էր և, կարելի է ասել, բեկումնային: Չէ՞-որ դեռ օրեր առաջ Բրազիլիայի ֆինանսների նախարար Գիդո Մանտեգան հայտարարել էր, որ ԲՐԻԿՍ-ը կառաջադրի ՀԲ-ի միասնական թեկնածու, սակայն ում` դեռ հայտնի չէ: Իսկ, որ ամենահետաքրքիրն է, Մանտեգան նշել էր, որ վաղուց ժամանակն է փոխել այն սովորույթը, համաձայն որի, ՀԲ նախագահը ամերիկացի թեկնածուն է դառնում:
Ի՞նչն է փոխվել: Արդյո՞ք իսկապես ԲՐԻԿՍ երկրները չեն գտել ավելի արժանի սեփական թեկնածու:
Չգիտես ինչու, բայց ԲՐԻԿՍ-ի նման որոշումն ինչ-որ անտեսանելի կապի զգացողություն է առաջացնում
սեփական բանկ ստեղծելու նախաձեռնության հետ, բանկ, որն, ըստ էության, այդ հինգ երկրների համար կկատարի նույն գործառույթներն, ինչ ՀԲ-ն` համաշխարհային տնտեսության:
Եթե հարցին մոտենանք այդ տեսանկյունից, ապա ՀԲ-ն ամերիկացիներին "հանձնելը"` մեծացնում է համաշխարհային ֆինանսական շուկայի կենտրոնացման մակարդակը` ստեղծելով սեփական բանկի նախաձեռնությունն ի կատար ածելու բերհաջող մթնոլորտ: Այլ խոսքերով ասած այդ գաղափարի միակ առանցքային թշնամուն` ԱՄՆ-ին զբաղմունք է տրվում ուշադրությունը շեղելու նպատակով:
