Նոր կառավարություն կամ նոր ընտրություններ. կպարզվի երկու օրից
"Խորհրդարան կա, իսկ կառավարությունն ու խնդիրների լուծումը դեռ սպասում են" նյութում "Արմեդիա" ՏՎԳ արդեն անդրադարձել է Հունաստանում ստեղծված փակուղային իրավիճակի մասին. խորհրդարանական ընտրությունների ավարտից հետո, խորհրդարանի ընտրված կուսակցությունները չեն կարողանում ստեղծել կոալիցիոն կառավարություն, ինչը, մինչ ընտրությունները, շարքային հույնի համար տնտեսական ծանր դրությունից ելնելու միակ հույսն էր: Բանն այն է, որ ընտրված կուսակցությունների դիրքորոշումները` կապված եվրոպական վարկային "եռյակից" խիստ տնտեսումների դիմաց ֆինանսական օժանդակություն ստանալու հետ, հակառակվում են:
Այսօր, մայիսի 15-ին Հունաստանի նախագահը շարունակելու է բանակցություններn իշխող կուսակցությունների հետ կառավարության ստեղծման վերաբերյալ:
"Կցանկանայի կրկնել, որ մարդիկ մեզ կառավարություն ստեղծելու ոչ թե նշան, այլ
մանդատ են հանձնել: Նրանց պետք է լսել, մեզանից յուրաքանչյուրի վրա, կարելի է ասել, պատմական պատասխանատվություն է ընկած",- հայտարարել է "Նոր ժողովրդավարություն" կուսակցության առաջնորդ Անտոնիս Սամարասը:
Եթե մինչև հինգշաբթի կուսակցություններին չհաջողվի համաձայնության գալ, երկրին սպասվում են նոր` արտահերթ ընտրություններ: Երկրի երկրորդ կուսակցության առաջնորդ Ալեքսիս Ցիպրասը հաստատել է, որ բանակցություններին կմասնակցի, սակայն սեփական դիրքորոշումը փոխել չի պատրաստվում:
Նշենք նաև, որ այսօր արդեն Հունաստանի` եվրագոտուց դուրս գալու խնդիրն իրենց` հույների կողմից ընդունվում է բավական հանգիստ ձևով: Սա, ինչպես նաև իշխանության եկած կուսակցությունների լիովին տարբեր դիրքորոշումները վկայում են այն մասին, որ գուցե եվրոպական կառույցներից ֆինանսական օժանդակություն ստանալու որոշումը չի արտահայտել համահունական մոտեցումը:
Եվրագոտուց Հունաստանի դուրս գալու կապացությամբ այլ է, սակայն, մոտեցումն անդամ մյուս երկրների բնակչության կողմից. նրանք պարզապես սարսափում են այն մտքից, որ սնանկ ճանաչվող պետությանն ու հասարակությանը պետք է "կերակրեն":
.jpg)
