Այն հարցին, թե ինչ ազդեցություն են ունենում ռեյթինգային գործակալությունները՝ այս կամ այն երկրի վարկային ռեյթինգները փոփոխելով, անդրադարձել ենք բազմիցս: Մասնավորապես խոսել ենք այն մասին, որ այդ գործակալություններն առաջին հերթին ազդում են ֆինանսական շուկաների սուբյեկտների վրա ու, կախված նրանից, իջեցրել, թե բարձրացրել են երկրի վարկային ռեյթինգը, պարալիզացնում կամ ակտիվացնում են վերջիններիս աշխատանքները: Նշել ենք նաև, որ այդ գործակալությունները հիմնականում ամերիկյան են, և չի բացառվում, որ դրանց կանխատեսումները լինեն նաև որոշակիորեն քաղաքականացված:
      Այս վերջին պնդումը հատկապես առավել իրատեսական է դառնում, երբ փորձում ենք վերլուծել, թե ե՞րբ և ո՞ր երկրներին են թիրախում ամերիկյան ռեյթինգային գործակալությունները:

կանխորոշվածը` վերջնականապես իջեցնելով ֆինանսական շուկաներում ակտիվության մակարդակը: Իհարկե, այդ կանխատեսումները կամ գնահատականներն ամբողջովին արհեստական չէին, ավելին` տեսականորեն հիմնավորված, սակայն փաստը, որ դրանք կրկնապատկում էին այդ գնահատվող տնտեսության առանց այդ էլ վատացող տնտեսության վիճակը, մնում է փաստ: Բացի այդ, չնայած 2008թ.-ից հետո Միացյալ Նահանգների տնտեսությունն էլ էր հայտնվել ոչ պակաս անկայուն դրության մեջ, չենք կարող չվիճել, որ գործակալությունների անընդմեջ հարձակումներ ամերիկյան տնտեսությանն այն հաճախությամբ, ինչ նկատում էինք եվրոպական երկրների նկատմամբ, հաստատ չկային:
      Համարձակվում ենք հայտարարել, որ եթե չլիներ այդ գործակալությունների բազմապատկիչ դերը եվրոպական ճգնաժամում, այդ ճգնաժամն այսօրվա ծավալներն ու խորությունը չէր ունենա:
Որպես ռեյթինգային գործակալությունների պարտաճանաչ աշխատանքի շարունակություն ներկայացնենք` ինչ են անում այսօր համաշխարհային տնտեսության այդ “հոգեառները”:
      Դե արդեն իսկ պարզ է, որ շարունակում են եվրոպական երկրների մոնիթորինգը: Օրինակ՝ հենց այսօր Moody’s գործակալությունն իջեցրել է Իսպանիայի վարկային ռեյթինգը միանգամից երեք մակարդակով: Արդեն զարմանալի չէ. Իսպանիան գտնվում է ապագան կանխորոշող եզրագծի վրա: Ներկայիս որդեգրած քաղաքականությունից պարզ կդառնա՝ այդ երկիրը կշարունակի Հունաստանի՞ ուղով, թե՞ դեպի ապաքինում: Ուստի գործակալությունն իր հարվածը հասցրեց ճիշտ ժամանակին, կոպիտ չհնչի` "հրելով" այդ երկրին դեպի առաջին տարբերակը: Վերջնանպատակը` Եվրամիության թուլացումը:
      Գուցե Եվրամիության հետ կապված մեր դիտարկումներն այնքան էլ արդարացի չեն և արդյունք են զուտ պատահականության, սակայն այն, ինչ կներկայացնենք հաջորդիվ, կարծես հաստատում է մեր խոսքերի իսկությունը:
      ԲՐԻԿՍ. արագ զարգացող տնտեսական միավոր, որը համաշխարհային տնտեսության նոր բևեռի վերածման լուրջ հավակնություններ է դրսևորում: Իսկ ո՞ւմ առաջին հերթին կարող է բարկացնել նման բևեռի ի հայտ գալը. իհարկե, առկա մեկ այլ բևեռի:
      Standard & Poor's գործակալությունն իջեցրել է Հնդկաստանի (ԲՐԻԿՍ անդամ) վարկային ռեյթինգը` զգուշացնելով, որ երկիրը շուտով կարող է առհասարակ զրկվել վարկային ռեյթինգից:

      Կհետևի՞ արդյոք ԲՐԻԿՍ շրջանակում այն իրավիճակը, ինչի մասին խոսում էինք վերոնշյալում եվրոպական երկրների մասին, մի փոքր դժվար է կանխատեսել, չնայած ավելի շատ հակված ենք հերքելու նման համեմատությունը: Սակայն հստակ կարող ենք արձանագրել, որ գործակալությունները սկսել են ռեյթինգային հարձակումների որակապես նոր փուլ: