Նոր խոչընդոտ Խորվաթիայի՝ ԵՄ-ին անդամակցելու ճանապարհին

Հարավսլավիայի փլուզումից հետո զրկվեցին իրենց գումարներից: Բանկն ինքնին վաղուց սնանկ է ճանաչվել, դրա փոխարեն ձևավորվել է Nova Ljubljanska Banka (NLB)-ն, որն էլ, ըստ Լյուբլյանայի, պետք է հանդես գա իրավահաջորդի դերում և մարի պարտքերը: Այս պահանջը զայրույթ է հարուցել Խորվաթիայում, և երկրի ԱԳ նախարար Միրոսլավ Կովաչիչը հայտարարել է. "Սլովենիան ևս մեկ անգամ ապացուցեց, որ կարճատես խաղ է խաղում շանտաժի միջոցով: Եվ դա աննկատ չի մնացել ինչպես ԵՄ գործընկերների, այնպես էլ Բրյուսելի համար":
      Նշենք, որ Բրյուսելում այս հարցը դիտարկում են որպես երկու երկրների ներքին խնդիր և որևէ կերպ չեն միջամտում: Սլովենիան արդեն երկար ժամանակ է` խոչընդոտում է Խորվաթիայի մուտքը ԵՄ երկու երկրների միջև ծովային սահմանի չլուծված հակասության պատճառով, սակայն Բրյուսելի միջամտությամբ Զագրեբին հաջողվեց առաջ տանել բանակցությունները և Սկլովենիան գնաց զիջման:
      Սլովենիայի ներկայացրած պահանջն արդար է, նման խնդրի հետ առերեսվել է նաև հայ հասարակությունը ԽՍՀՄ փլուզումից հետո, Խորվաթիան նույնպես չի հրաժարվում խնդրի առկայությունից, սակայն համարում է, որ այդ հարցը պետք է քննվի դատարանում Bank of International Settlements-ի հովանու ներքո և ոչ թե նախապայման դառնա ԵՄ-ին անդամակցելու գործընթացում:
      Եվրոպան, անշուշտ, մեղմ քաղաքականության և խնդիրների դանդաղ ու մանրակրկիտ լուծման կողմնակից է: Բրյուսելն այսօր չի միջամտում խնդրին՝ ժամանակ տալով, որ այն բնականոն լուծում ստանա: Պետք է նկատի ունենալ, որ Խորվաթիայի անդամակցության հարցն արդեն իսկ լուծված է, մնացել են, ինչպես ասում են, "վերջին շտրիխերը": Սլովենիայի նման քաղաքականությունը չի կարող կասեցնել Խորվաթիայի անդամկցությունը ԵՄ-ին, ուրիշ բան է, որ այն կարող է բավական ժամանակ և նյարդեր խլել: Լյուբլյանան հնարավորություն է ստացել ազդել գործընթացների վրա և անում է ամեն ինչ այդ հնարավորությունն ի նպաստ իրեն օգտագործելու համար: