Հայաստանի բուհավարտ երիտասարդները կարող են մասնակցել "ՄԻՋԱԶԳԱՅԻՆ ԽՈՐՀՐԴԱՐԱՆԱԿԱՆ ԿՐԹԱԹՈՇԱԿ" ծրագրին:

Գերմանական Բունդեսթագի կողմից ֆինանսավորվող եւ Ազատ համալսարանի, Հումբոլդտի համալսարանի եւ Տեխնիկական համալսարանի հետ համատեղ իրականացվող ծրագիրը հնարավորություն է ընձեռում որակավորում ստացած, քաղաքականությամբ հետաքրքրվող 28 երկրի երիտասարդ համալսարանական շրջանավարտներին ծանոթանալ

Գերմանիայի խորհրդարանական կառավարման համակարգի հետ:
      Շուրջ 15 շաբաթների ընթացքում մասնակիցները պրակտիկա կանցնեն Բունդեսթագի պատգամավորների գրասենյակներում, որի արդյունքում նրանք բազմազան եւ ինտենսիվ տպավորություններ կստանան` հետեւելով խորհրդարանի աշխատանքային առօրյային եւ ներկայացուցչական մարմնում քաղաքական թեմաների քննարկման գործընթացին: Մասնակիցները ամառային ուսումնական կիսամյակի ընթացքում կհանդիսանան Հումբոլդտի համալսարանի ունկնդիրներ:
      Ի դեպ, Հայաստանը ծրագրում ներառված է 2007 թ-ից:  2010թ.-ի ծրագրին մասնակցելու համար ներկայացված 23 դիմորդներից նման հնարավորություն ստացան երեքը:
"ՄԽԿ 2011" ծրագիրը սկսվում է 2011թ.-ի մարտի 1-ին եւ ավարտվում 2011 թ.-ի հուլիսի 31-ին: Ծրագրին ընդհանուր առմամբ մասնակցելու են 28 երկրների շուրջ 120 կրթաթոշակակիր:
      Ծրագրով հետաքրքրվող հավակնորդները կարող են կապ հաստատել ՀՀ-ում ԳԴՀ դեսպանության հետ` դիմելով տիկին Գոհար Մկրտչյանին կամ պարոն Քլաուս-Դիտեր Շտրակին: