Խորովածը մեկ միլիոն տարեկան է

դրանով իսկ զարգացնելով իրենց սոցիալական ունակությունները, մասնավորապես` խոհանոցային հմտությունները, ուտելիքը ջերմային մշակման ենթարկելու, ինչպես նաեւ մթերքը չորացնելու հետ կապված ունակությունները: Ուտելիքի (ինչպես մսի, այնպես էլ բանջարեղենի) պաշարների ստեղծման հմտությունը մադրու էվոլյուցիայի վրա մեծ ազդեցություն է գործել, հայտնում են գիտնականները` նշելով, որ եփված ուտելիքներն ավելի մեծ կալորիաներ են պարունակում, քան հում վիճակում գտնվող մթերքը:
      Հնեաբաններից մեկի` Քրիս Օրգանի խոսքերով, նրանց հաջողվել է պարզել, որ ուտելիքի ջերմային մշակումը նպաստել է մարդու ատամների նվազեցմանը: Գիտնականների հավաստմամբ, նման փոփոխությունը կապված է ուտելու համար առավել քիչ ջանք գործածելու հետ: Տապակած եւ ապխտած մթերքներով ավելի փափուկ են, քան հումերը, որոնցով նախկինում սնվել է մարդը: Սակայն ընդհանուր առմամբ, գիտնականի պնդմամբ, հեշտացել է տղամարդու կյանքը, քանի որ դեռեւս այն ժամանակներից պատրաստման գործով զբաղվել է կինը:
      Սննդի հետ կապված այս հայտնագործությունն առաջինը չէ, հիշեցնում է “Կոմսոմոլսկայա պրավդան”: Անցյալ տարի ամերիկյան գիտնականները եկել են եզրակացության, որ մարդու նախահայրերն ունեցել են նույն համային նախընտրությունները, ինչ եւ ժամանակակից մարդիկ: Նրանց մեծամասամբ գերել են սպիտակուցային սնունդը, քաղցր մրգերն ու եփված խոտաբույսերը:
      Խորովածի հետ կապված հայտնագործությանը զուգահեռ Քեմբրիջի համալսարանի գիտնականները բացահայտել են նաեւ, որ խարույկի շուրջ հավաքվելը մարդու մոտ զարգացրել է նաեւ մշակույթը: Քարանձավի բնակիչները պատերի վրա նկարներ են պատկերել` ստոպ-կադրեր, որոնցից յուրաքանչյուրն իրար հաջորդող դրվագներ է ներկայացրել: Դա նմանվել է մուլտֆիլմի: Գիտնականները խոստացել են, որ քարանձավներում հայտնաբերված պատկերներով ժամանակակից մուլտֆիլմ կստեղծեն:
      Ինչեւէ, հաշվի առնելով հայ ազգի` խորովածի նկատմամբ մեծ սերը, կարելի է կարծել, որ աշխարհում առաջին խորոված պատրաստողների մեջ են եղել նաեւ մեր նախահայրերը: Միգուցե հենց դրանով էլ բացատրվում է մեր առանձնահատուկ վերաբերմունքն այդ ուտելիքին: