"Darwin Now"-ն Բրիտանական խորհրդի ներդրումն է Չարլզ Դարվինի ծննդյան 200-ամյակին եւ նրա "Տեսակների ծագումը բնական ընտրության միջոցով" աշխատության 150-ամյակին նվիրված միջազգային տոնակատարություններում:

Ցուցադրությունը, որը բացահայտում է Դարվինի աշխարհն ու նրա հարատեւ ժառանգությունը, ներկայացնում է Դարվինի գրքի ակունքները, ընդգծում նրա հիմնական գաղափարները եւ բացատրում, թե ինչպես են դրանք մինչ օրս հիմք հանդիսանում կենսաբանության եւ բժշկության ոլորտների բազմաթիվ ուսումնասիրությունների համար:

"Darwin Now"-ն ցուցադրվում է աշխարհի ավելի քան 25 երկրներում: Ցուցահանդեսի յուրաքանչյուր պաստառ ներկայացնում է մի պատմություն Դարվինի, նրա բացահայտումների եւ տեսության մասին:

Շրջիկ ցուցահանդեսը պաշտոնապես կմեկնարկի Մոսկվա կինոթատրոնի ցուցասրահում 2010 թվականի մարտի 10-ին, որից հետո այն կցուցադրվի Երեւանի պետական համալսարանում եւ կշարունակի շրջագայել տարբեր վայրերում: Ցուցադրությունների վայրերի մասին տեղեկատվությունը կտեղադրվի Բրիտանական խորհրդի կայքէջում` www.britishcouncil.org/armenia-science-darwin.htm: