Օլանդի երդմնակալությունը տեղի կունենա մայիսի 15-ին
Ֆրանսիայի նորընտիր նախագահ Ֆրանսուա Օլանդի երդմնակալության արարողությունը տեղի կունենա մայիսի 15-ին, Ելիսեյան պալատում:
Երդմնակալության ամսաթիվը համաձայնեցվել է Օլանդի և Սարկոզիի ներկայացուցիչների բանակցությունների ընթացքում:
Վաղը` մայիսի 8-ին, Սարկոզին և Օլանդը միասին կմասնակցեն Երկրորդ աշխարհամարտի հաղթանակի օրվան նվիրված տոնակատարությանը (Եվրոպայում այդ տոնը նշում են մայիսի 8-ին):
Միաժամանակ նորընտիր նախագահն արդեն խոստացել է վերանայել Ֆինանսական կայունության Եվրոպական պակտին Ֆրանսիայի մասնակցության պայմանները և փոխել կառավարության սոցիալ-տնտեսական քաղաքականությունը: Նաև սպասվում է, որ Օլանդը կհայտարարի մինչև տարվա վերջ Աֆղանստանից ֆրանսիացի զինվորականների դուրս բերելու մասին:
