ԱՄՆ դեսպանատան արձագանքը խորհրդարանական ընտրություններին
Հայաստանում մայիսի 6-ին կայացած խորհրդարանական ընտրություններն անցել են խաղաղ և հանգիստ մթնոլորտում, կարծում է Հայաստանում ԱՄՆ դեսպանատունը: ԱՄՆ դեսպանատունը նշում է, որ ընտրությունների ընթացքում ընդդիմադիր ուժերը լիարժեքորեն ներկայացրել են իրենց տեսակետները և ապահովվել է դիտորդների մասնակցությունը:
"Մենք պաշտպանում ենք ԵԱՀԿ/ԺՀՄԻԳ դիտորդական առաքելության եզարակացությունը, որ ընտրությունները կարելի է բնորոշել "մրցակցային, կենդանի և ընդհանուր առմամբ խաղաղ քարոզարշավով",-ասված է մեկնաբանությունում:
"Այդուհանդերձ, դեսպանատունն առանձնացրել է նաև ԵԱՀԿ/ԺՀՄԻԳ-ի անհանգստությունը քարոզարշավի ընթացքում և ընտրությունների օրը "խաղի անհավասար կանոնների", ինչպես նաև ընտրողների ձայները գնելու և նրանց վրա ճնշում գործադրելու հետ կապված",-նշվում է դեսպանատան խոսքում:
ԱՄՆ դեսպանատունը կշարունակի միջազգային և տեղական դիտորդների եզրակացությունների մոնիթորինգը, ինչպես նաև հետընտրական շրջանում դիմում-բողոքների վերլուծությունը:
