Ուկրաինական Нафтогаз Украины և գերմանական RWE ընկերությունները շրջանակային պայմանագիր են կնքել գազի առքուվաճառքի վերաբերյալ: Ուկրաինան պարզաբանել է, որ գերմանական գազը ավելի էժան կարժենա, քան ռուսական «Գազպրոմ»-ից գնվածը: Այս մասին նշված է ուկրաինական ընկերության մամուլի հաղորդագրությունում:
Փաստաթուղթում նշվում է, որ պայմանագիրը չի պարունակում գազի կոնկրետ ծավալի վերաբերյալ որևէ պարտավորություն: Գազի գները, մատակարարման ծավալները և կողմերի կոնկրետ պարտականությունները կհստակեցվեն առանձին պայմանագրերով:
Нафтогаз-ի նախագահ Եվգենի Բակուլինը հայտարարել է, որ իր ընկերությունը մտադիր է Եվրոպայից գնել տարեկան մինչև 10 մլրդ խորանարդ մետր գազ՝ այսինքն ամբողջ ներկրվող վառելիքի շուրջ մեկ երրորդը, ինչը հնարավոր կլինի ուկրաինական գազատրանսպորտային համակարգը ռեվերսային ռեժիմի անցկացնելուց հետո:
