Թուրքիայի վարչապետ Ռեջեփ Թայիփ Էրդողանը հանդիպում է ունեցել Ֆրանսիայի նախագահ ֆրանսուա Օլանդի հետ:
Հանդիպումը կայացել է Բրազիլիայում` "Ռիո 20" գագաթնաժողովի ընթացքում և տևել է մոտ կես ժամ:
Թուրքական լրատվամիջոցները նշում են, որ այն կարևոր էր "Սարկոզիի օրոք առաջ քաշված Ցեղասպանության քրեականացման օրինագծի պատճառով գրեթե վերացած երկկողմ հարաբերությունները վերսկսելու տեսանկյունից":
Երկու ղեկավարները նշել են, որ երկկողմ հարաբերությունները դժվար փուլ են անցել և այժմ անհրաժեշտ է հարաբերություններում նոր էջ բացել և խորացնել հարաբերությունները ինչպես տնտեսական ոլորտում, այնպես էլ ԵՄ-ին Թուրքիայի անդամակցության հարցերում:
Հանդիպման ընթացքում քննարկվել են ինչպես երկկողմ հարաբերություններին, այնպես էլ տարածաշրջանային խնդիրներին առնչվող հարցեր:
Էրդողանն Օլանդին հիշեցրել է, որ 20 տարի Ֆրանսիայի ոչ մի նախագահ չի այցելել Թուրքիա և հրավիրել է նրան Անկարա, ինչին Օլանդը դրական արձագանք է տվել:
