Ստեփանակերտի հյուրանոցը պատրաստ է ընդունել սիրիահայերին
Ստեփանակերտում գտնվող “Նաիրի” հյուրանոցի տնօերն Հակոբ Աբուլաքյանը հայտարարել է, որ պատրաստ է ընդունել սիրիահայերին: Ինչպես հայտնել է Աբուլաքյանն այսօր լրագրողներին, նա զրուցել է ՀՀ և ԼՂՀ ԱԳՆ ներկայացուցիչների հետ և պատրաստակամություն է հայտնել իր հյուրանոցում ընդունել Սիրիայից ժամանած 100-110 հայերի:
Նա պատրաստ է շենքը տրամադրել ժամանածներին պայմանով, որ նրանք կատարեն միայն կոմունալ վճարումները: Աբուլաքյանը ծնունդով Հալեպից է և մինչև 35 տարեկանն ապրել է Սիրիայում, ապա տեղափոխվել է Ֆրանսիա, հետո Ավտրալիա:
