|
Հիմնադրման օրից “ԱՐՄԵԴԻԱ” տեղեկատվական, վերլուծական գործակալությունն ունեցել է նաեւ հեռուստատեսային գործունեություն: Մեր կողմից պատրաստված հեռուստահաղորդումները հեռարձակվել են, եւ հուսով ենք, դեռ բազմիցս կհեռարձակվեն Վատիկանի “Telepace” հեռուստաընկերության “Telepace-Armenia” հեռուստաժամի շրջանակներում: Միաժամանակ գործընկեր “Եվրոպական ինտեգրացիա” հասարակական կազմակերպության հետ համատեղ պատրաստվել են հեռուստածրագրեր, որոնք էլ իրենց հերթին հեռարձակվել են “Եվրոպական օրագիր” հեռուստածրագրի շրջանակներում (այդ թվում` Մեծ Բրիտանիան, Իտալիան եւ այլ երկրներ ներկայացնող հեռուստահաղորդումներ): Արտերկրում աշխատող մեր հատուկ թղթակիցների կողմից պատրաստված մի շարք բացառիկ հարցազրույցներ հեռարձակվել են հայաստանյան եւ արտերկրի մի շարք հեռուստաընկերությունների կողմից:
2008 թ. սեպտեմբերի 20-ից “ԱՐՄԵԴԻԱ” տեղեկատվական, վերլուծական գործակալությունը “Երեւան” հեռուստաընկերության հետ համատեղ սկսել է “Հայացք աշխարհին” հեռուստածրագրի հեռարձակումը: “Հայացք աշխարհին” հեռուստածրագիրը կարելի է դիտել “Երեւան” հեռուստաընկերության ուղիղ եթերում յուրաքանչյուր շաբաթ օր` 21:30, կրկնությունը` կիրակի-20:00 եւ երկուշաբթի-09:05:
2010թ. ապրիլի 26-ից եթեր է հեռարձակվում նաեւ "Արմեդիա" ՏՎԳ-ի եւ Հանրային հեռուստաընկերության "Իրական քաղաքականություն" ("Realpolitik") հաղորդաշարը: Հաղորդաշարը կարելի է դիտել Հանրային հեռուստաընկերության եթերում յուրաքանչյուր երկուշաբթի օր` 23:20, կրկնությունը` երեքշաբթի:
Այս էջում ոչ հստակ պարբերությամբ կտեղադրվեն նաեւ “ԱՐՄԵԴԻԱ” տեղեկատվական, վերլուծական գործակալության կողմից պատրաստված այլ տեսանյութեր, ֆիլմեր եւ/կամ հարցազրույցներ):
Ներկայացնում ենք "Հայացք աշխարհին" եւ "Իրական քաղաքականություն" (Realpolitik) հեռուստահաղորդումների վերջին մեկական թողարկում նոր եթերաշրջանից, որտեղ "Հայացք աշխարհին" հեռուստածրագիրը հանդես է գալիս նոր հաղորդավարներով:
Ինտերնետ կապի որակից կախված` հաղորդումը դիտելու ընթացքում կարող են առաջանալ տեխնիկական դժվարություններ: Նման դեպքերում մեր կայքի ադմինիստրատորը խորհուրդ է տալիս “Play” հրահանգը տալուց հետո անմիջապես տալ “Pause” հրահանգը եւ սպասել մի քանի րոպե: Սպասելուց հետո նորից սեղմել “Play”, եւ տեխնիկական խնդիրները հիմնականում կվերանան:
"ԻՐԱԿԱՆ ՔԱՂԱՔԱԿԱՆՈՒԹՅՈՒՆ" (Realpolitik) (06.09.2010)
Թեմա. ՍՈՒՐԲ ԽԱՉ ԵԿԵՂԵՑՈՒ ՊԱՏԱՐԱԳԸ. ԹՈՒՐՔԻԱՅԻ ԵՐԿԱԿԻ ՔԱՂԱՔԱԿԱՆՈՒԹՅՈՒՆ
Հյուր. ՌՈՒԲԵՆ ՍԱՖՐԱՍՏՅԱՆ
ՀՀ ԳԱԱ արեւելագիտության ինստիտուտի տնօրեն
ՀԱՅԱՑՔ ԱՇԽԱՐՀԻՆ (04.09.2010)
Թեմա. ՓԱԽՍՏԱԿԱՆՆԵՐԻ ԽՆԴԻՐԸ ՂԱՐԱԲԱՂՅԱՆ ՀԱԿԱՄԱՐՏՈՒԹՅԱՆ ԿԱՐԳԱՎՈՐՄԱՆ ՀԱՄԱՏԵՔՍՏՈՒՄ
Հյուր.ԱՐՄԱՆ ՄԵԼԻՔՅԱՆ
ԼՂՀ նախկին արտգործնախարար
“ԱՐՄԵԴԻԱ” տեղեկատվական, վերլուծական գործակալության հեռուստածրագրերի եւ հեռուստագործունեության վերաբերյալ Ձեր դիտողությունները, առաջարկները եւ տեսակետները կարող եք հայտնել info@armedia.am էլ. հասցեով կամ զանգահարել /+374 10/ 588 911 հեռախոսահամարով: Միաժամանակ կարող եք դիմել մեզ էլ. կայքում չարտացոլված, ավելի վաղ հեռարձակված հեռուստածրագրերին վերաբերող հարցերով:
|
