ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Չինաստանը որոշել է աջակցել Պուտինին Ուկրաինայի հարցում

Բելգիայում ՉԺՀ դեսպան Ցյույ Սինը հայտարարել է, որ Չինաստանն իր աջակցությունն է հայտնում Ուկրաինայում ճգնաժամը հաղթահարելուն ուղղված Ռուսաստանի գործողություններին, և կոչ է արել Արևմուտքին «հրաժարվել մի դարպասով խաղալու մոտեցումներից», հաղորդում է «Սինհուա» գործակալությունը:

Չին դիվանագետն ասել է, որ Արևմուտքը պետք է «հաշվի առնի Ռուսաստանի՝ իր անվտանգության նկատմամբ իրական մտահոգությունը», որ Ուկրաինայում ճգնաժամի «բնույթն ու սկզբնապատճառը» արևմտյան աշխարհի և ԱՄՆ-ի կողմից Ռուսաստանի դեմ սկսած «խաղն է», և ճգնաժամի կարգավորման համար նոր մոտեցումներ են պահանջվում:

Նշենք, որ համարյա մեկ տարվա լռությունից հետո Չինաստանը վերջապես հստակեցրեց իր դիրքորոշումը, ինչը շատ կարևոր գործոն է Մոսկվայի դեմ ավելի կոշտ պատժամիջոցներ սահմանելու հարցի քննարկման ֆոնին: Նման հրապարակային աջակցություն ստանալը շատ կարևոր է ՌԴ համար, իսկ ԱՄՆ-ը ստիպված կլինի հաշվի նստել Ուկրաինական ճգնաժամի հարցում Չինաստանի դիրքորոշման հետ:

Դեսպան Ցյույը քննադատել է նաև Վաշինգտոն-Կիև համագործակցության ձևը՝ մտավախություն հայտնելով, որ նման արտաքին քաղաքականությունը կարող է տարածաշրջանն աղետի հասցնել: «Միացյալ Նահանգները ձգտում է ցանկացած գնով թույլ չտալ իր դիրքերի թուլացումը աշխարհի ցանկացած մասում, սակայն հաշվի առնելով նրա սահմանափակ ռեսուրսները՝ նրան բավականին դժվար կլինի արտաքին գործերում իր ազդեցությունը պահպանել», - ասել է դիվանագետը:

Չնայած այս հակամարտությունում Ռուսաստանին աջակցությանը, Չինաստանը հայտարարել է, որ կցանկանար Ուկրաինայի հետ պահպանել «բարեկամական համագործակցությունը» և հարգում է նրա ինքնիշխանությունը:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 28%
    Քամի՝ 1,54 կմ/ժ
    13 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: