Նալբանդյան. Բաքուն արհամարհում է միջնորդների առաջարկները

• 03.03.2015, 18:08
•  Հայաստան,  ԼՂՀ

Վերջին օրերին Ադրբեջանի զինված ուժերի սադրանքների հետևանքով կրկին լարվել է իրավիճակը հայ-ադրբեջանական սահմանին և Ադրբեջան - Արցախ շփման գծում, ինչը հանգեցրել է մարդկային զոհերի, նշել է ՀՀ արտգործնախարար Է. Նալբանդյանը` ի պատասխան «Առավոտ»-ի հարցման մեկնաբանելով սահմանային միջադեպերը։

«Ադրբեջանական կողմը հերթական անգամ ցույց տվեց, թե ինչպես է վերաբերվում ԵԱՀԿ Մինսկի խմբի համանախագահների հասցեական կոչերին՝ խստորեն հետևելու հրադադարի պահպանմանը և զերծ մնալու իրավիճակը սրող քայլերից։

Մինսկի խմբի համանախագահները տարածաշրջան վերջին այցելության արդյունքներով հրապարակված հայտարարության մեջ նշել էին, որ նախագահները համաձայնել են քննարկել զինադադարի ամրապնդմանն ուղղված եռանախագահների առաջարկները։ Վերոհիշյալ սադրանքներով Բաքուն ևս մեկ անգամ ի ցույց է դնում իր արհամարհանքը միջնորդների առաջարկությունների հանդեպ»,-նշել է արտգործնախարարը։