ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Human rights watch-ը հանդես է եկել Ադրբեջանի իշխանությունների քննադատությամբ

Մարդու իրավունքների պաշտպանությամբ զբաղվող մի շարք կազմակերպություններ կոչ են արել Ադրբեջանին Եվրոպական անդրանիկ խաղերի նախաշեմին ազատ արձակել քաղբանտարկյալերին, ովքեր բանտերում են կեղծ մեղադրանքներով:

Այսօր, երբ Ադրբեջանում անցկացվելիք Եվրոպական խաղերի մեկնարկին մնացել է ընդամենը 100 օր, Ադրբեջանում մարդու իրավունքների պարբերական խախտումների քննադատությամբ հանդես են եկել Human rights watch և Amnesty International իրավապաշտպան կազմակերպությունները:

Ադրբեջանում մարդու իրավունքների խախտումների մասին իր զեկույցում Amnesty International-ը տեղեկացնում է, որ «Ադրբեջանում կա առնվազն 22 բանտարկյալ, ում ներկայացվել է կեղծ մեղադրանք»: Այս հարցին անդրադաձել է նաև Human rights watch-ը: Վերջինս հանդես է եկել Ադրբեջանում թմրանյութերի և զենքի պահպանության, հարկերից խուսափելու, խուլիգանության և նույնիսկ պետական դավաճանության կեղծ մեղադրանքներով դատական գործերի քննադատությամբ:

Կազմակերպությունը կոչ է արել Եվրոպական երկրներին հանդես գալ Ադրբեջանում մարդու իրավունքների խախտման քննադատությամբ: «Բաքուն պետք է հասկանան, որ եվրոպական երկրները խաղերի բացման արարողությանը բարձր մակարդակի պատվիրակություններ չեն ուղարկի Ադրբեջան, քանի դեռ այդ բանտարկյալները ազատ չեն արձակվել»,-նշվում է կազմակերպության տարածած հայտարարության մեջ:

Նշենք, որ հունիսի 12-28-ը Ադրբեջանում անցկացվելիք Եվրոպական խաղերը իշխանությունների կողմից լայնորեն օգտագործվում են ադրբեջանական ավտորիտար վարչակարգի շուրջ պատկերացումները մեղմելու համար:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 27%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: